शॉपर्स स्टॉपने भारतात आणला बीटीएसचा पाचवा स्टुडिओ अल्बम अरिरांग; चाहत्यांना मिळणार विशेष स्टोअरमधील अनुभव

मुंबई, २६ मे २०२६: शॉपर्स स्टॉप या भारतातील प्रीमियम फॅशन, सौंदर्य आणि भेटवस्तूंच्‍या गंतव्‍याने जगप्रसिद्ध पॉप बँड बीटीएसचा बहुप्रतिक्षित पाचवा स्टुडिओ अल्बम अरिरांग देशभरात उपलब्ध करून देण्याची घोषणा केली आहे. या दशकातील सर्वात मोठे पुनरागमन मानल्या जाणाऱ्या पॉप जगतातील या दिग्गजांच्या अल्बममुळे जागतिक संगीत विश्वातील एक अत्यंत महत्त्वाचा क्षण भारतातील चाहत्यांच्या अगदी जवळ आला आहे.

चाहत्यांचा हा आनंद आणखी वाढवण्यासाठी शॉपर्स स्टॉपने स्टोअर्समध्ये विशेष अनुभव कक्ष सुरू केले आहेत. या खास तयार केलेल्या जागांमुळे ग्राहकांना आकर्षक मांडणीत फोटो घेण्याची संधी आणि बीटीएस-प्रेरित उत्‍साहपूर्ण वातावरणाच्‍या माध्‍यमातून या अल्बमचा प्रत्‍यक्ष आणि अनोखा अनुभव घेता येणार आहे.

याबाबत मत व्‍यक्त करत शॉपर्स स्टॉपचे कस्‍टमर केअर असोसिएट, मॅनेजिंग डायरेक्‍टर व सीईओ कवींद्र मिश्रा म्हणाले, “आम्‍ही करणाऱ्या प्रत्‍येक गोष्‍टीमध्‍ये ग्राहकांना प्राधान्‍य देतो. बीटीएसचा अरिरांग अल्बम निवडक शॉपर्स स्टॉप स्टोअर्समध्ये आणणे हा त्याच कटिबद्धतेचा एक भाग आहे, ज्यामुळे चाहत्यांना स्टोअरमध्ये विशेष अनुभव मिळेल. जागतिक संगीत आणि चाहत्यांच्या वाढत्या प्रभावामुळे तरुण ग्राहकांशी अधिक जवळकीने जोडले जाण्याची आणि पारंपारिक खरेदीच्या पलीकडे जाणारे अनुभव देण्याची ही एक उत्तम संधी आहे, असे आम्हाला वाटते.”

संग्रही ठेवण्यासारख्या या अरिरांग अल्बममध्ये सीडी, फोटो कार्ड सेट, फोटो बुक आणि बऱ्याच गोष्टींचा समावेश आहे, ज्यामुळे हा अल्‍बम आर्मी आणि संग्राहकांसाठी आवश्यक ठेवा बनला आहे. कोरियन पारंपारिक लोकगीत 'अरिरांग'वरून प्रेरित असलेल्‍या या अल्‍बममध्‍ये बीटीएसची कोरियन मुळे आणि ओळख, भावना व चिकाटी यांसारख्या वैश्विक विषयांचे संयोजन आहे, जो विविध संस्कृती आणि पिढ्यांमध्ये आदराचे स्थान मिळवतो.

या १४ गाण्यांच्या अल्बममधून बीटीएसची कलात्मक प्रगती दिसून येते, ज्यामध्ये ''बॉडी टू बॉडी'' आणि ''हुलिगन'' सारख्या अत्यंत उत्साही गाण्यांपासून ते ''नॉर्मल'' आणि ''इनटू द सन'' सारख्या आत्मपरीक्षण करणाऱ्या गाण्यांचा समावेश आहे. या अल्बममधील मुख्य गाणे ''स्विम'' हे आयुष्यातील आव्हानांचा सामना करत पुढे जाण्याचा आणि चिकाटीचा संदेश देऊन अल्बमला नव्‍या उंचीवर घेऊन जाते.